Red the Rose and White Lily sheet music

Red the Rose and White Lily sheet music for Treble Clef Instrument



Tempo: 99BPM

Accent:

         
Pause Music
TEMPO:
Landscape view? Pause before start?


Red the Rose and White Lily





    
Rose the Red and White Lily

Rose the Red and White Lilly,
Their mother dear was dead,
And their father married an ill woman,
Wishd them twa little guede.

Yet she had twa as fu fair sons
As eer brake manis bread,
And the tane of them loed her White Lilly,
An the tither lood Rose the Red.

O biggit ha they a bigly bowr,
And strawn it oer wi san,
And there was mair mirth i the ladies bowr
Than in a' their father's lan.

But out it spake their step-mother,
Wha stood a little foreby:
I hope to live and play the prank
Sal gar your loud sang ly.

She's calld upon her eldest son:
Come here, my son, to me;
It fears me sair, my eldest son,
That ye maun sail the sea.

'Gin it fear you sair, my mither dear,
Your bidding I maun dee;
But be never war to Rose the Red
Than ye ha been to me.'

'O had your tongue, my eldest son,
For sma sal be her part;
You'll nae get a kiss o her comely mouth
Gin your very fair heart should break.'

She's calld upon her youngest son:
Come here, my son, to me;
It fears me sair, my youngest son,
That ye maun sail the sea.

'Gin it fear you sair, my mither dear,
Your bidding I maun dee;
But be never war to White Lilly
Than ye ha been to me.

'O haud your tongue, my youngest son,
For sma sall be her part;
You'll neer get a kiss o her comely mouth
Tho your very fair heart should break.'

When Rose the Red and White Lilly
Saw their twa loves were gane,
Then stopped ha they their loud, loud sang,
And tane up the still mournin;
And their step-mother stood listnin by,
To hear the ladies mean.

Then out it spake her White Lilly;
My sister, we'll be gane;
Why should we stay in Barnsdale,
To waste our youth in pain?

Then cutted ha they their green cloathing
A little below their knee,
An sae ha they there yallow hair,
A little aboon there bree;
An they've doen them to haely chapel,
Was christened by Our Lady.

There ha they chang'd their ain twa names,
Sae far frae ony town,
An the tane o them hight Sweet Willy,
An the tither o them Roge the Roun.

Between this twa a vow was made,
An they sware it to fulfil;
That at three blasts o a bugle-horn,
She'd come her sister till.

Now Sweet Willy's gane to the kingis court,
Her true-love for to see,
An Roge the Roun to good green wood,
Brown Robin's man to be.

As it fell out upon a day
They a' did put the stane,
Full seven foot ayont them a'
She gard the puttin-stane gang.

She leand her back against an oak,
And gae a loud Ohone!
Then out it spake him Brown Robin,
But that's a woman's moan!

'O ken ye by my red rose lip?
Or by my yallow hair?
Or ken ye by my milk-white breast?
For ye never saw it bare!'

'I ken no by your red rose lip,
Nor by your yallow hair;
Nor ken I by your milk-white breast,
For I never saw it bare;
But come to your bowr whaever sae likes,
Will find a lady there.'

O gin ye come to my bowr within,
Thro fraud, deceit, or guile,
Wi this same bran that's in my han,
I swear I will the kill.'

'But I will come thy bowr within,
An spear nae leave,' quoth he;
'An this same bran that's i my han
I sall ware back on the.'

About the tenth hour of the night
The ladie's bower-door was broken,
An eer the first hour of the day
The bonny knave-bairn was gotten.

When days were gane, and months were run,
The lady took travailing,
And sair she cry'd for a bowr-woman,
For to wait her upon.

Then out it spake him Brown Robin:
Now what needs a' this din?
For what coud any woman do
But I coud do the same?

'Twas never my mither's fashion,' she says,
'Nor sall it ever be mine,
That belted knights shoud eer remain
Where ladies dreed their pine.

'But ye take up that bugle-horn,
An blaw a blast for me;
I ha a brother i the kingis court
Will come me quickly ti.

'O gin ye ha a brither on earth
That ye love better nor me,
Ye blaw the horn yoursel, ' he says,
'For ae blast I winna gie.

She's set the horn till her mouth,
And she's blawn three blasts sae shrill;
Sweet Willy heard i the kingis court,
And came her quickly till.

Then up it started Brown Robin,
An an angry man was he:
'There comes nae man this bowr within
But first must fight wi me.'

O they hae fought that bowr within
Till the sun was gaing down,
Till drops o blude frae Rose the Red
Came hailing to the groun.

She leand her back against the wa,
Says, Robin, let a be;
For it is a lady born and bred
That's foughten sae well wi thee.

O seven foot he lap a back;
Says, Alas, and wae is me!
I never wisht in a' my life,
A woman's blude to see;
An a' for the sake of ae fair maid
Whose name was White Lilly.

Then out it spake her White Lilly,
An a hearty laugh laugh she:
She's lived wi you this year an mair,
Tho ye kentna it was she.

Now word has gane thro a' the lan,
Before a month was done,
That Brown Robin's man, in good green wood,
Had born a bonny young son.

The word has gane to the kingis court,
An to the king himsel;
'Now, by my fay,' the king could say,
'The like was never heard tell!'

Then out it spake him Bold Arthur,
An a hearty laugh laugh he:
I trow some may has playd the loun,
And fled her ain country.

'Bring me my steed,' then cry'd the king,
'My bow and arrows keen;
I'l ride mysel to good green wood,
An see what's to be seen.

'An't please your grace, said Bold Arthur,
'My liege, I'll gang you wi,
An try to fin a little foot-page,
That's strayd awa frae me.

O they've hunted i the good green wood
The buck but an the rae,
An they drew near Brown Robin s bowr,
About the close of day.

Then out it spake the king in hast,
Says, Arthur, look an see
Gin that be no your little foot-page
That leans against yon tree.

Then Arthur took his bugle-horn,
An blew a blast sae shrill;
Sweet Willy started at the sound,
An ran him quickly till.

'O wanted ye your meat, Willy?
Or wanted ye your fee?
Or gat ye ever an angry word,
That ye ran awa frae me?'

'I wanted nought, my master dear;
To me ye ay was good;
I came but to see my ae brother,
That wons in this green wood.'

Then out it spake the king again,
Says, Bonny boy, tell to me
Wha lives into yon bigly bowr,
Stands by yon green oak tree?

'O pardon me,' says Sweet Willy,
'My liege, I dare no tell;
An I pray you go no near that bowr,
For fear they do you fell.'

'O haud your tongue, my bonny boy,
For I winna be said nay;
But I will gang that bowr within,
Betide me weel or wae.'

They've lighted off their milk-white steeds,
An safely enterd in,
An there they saw her White Lilly,
Nursing her bonny young son.

'Now, by the rood,' the king coud say,
'This is a comely sight;
I trow, instead of a forrester's man,
This is a lady bright!'

Then out it spake her Rose the Red,
An fell low down on her knee:
O pardon us, my gracious liege,
An our story I'll tell thee.

Our father was a wealthy lord,
That wond in Barnsdale;
But we had a wicked step-mother,
That wrought us meickle bale.

Yet she had tw'a as fu fair sons
As ever the sun did see,
An the tane o them lood my sister dear,
An the tither sayd he lood me.

Then out it spake him Bold Arthur,
As by the king he stood:
Now, by the faith o my body,
This shoud be Rose the Red!

Then in it came him Brown Robin,
Frae hunting o the deer,
But whan he sawthe king was there,
He started back for fear.

The king has taen him by the hand,
An bade him naithing dread;
Says, Ye maun leave the good green wood,
Come to the court wi speed.

Then up he took White Lilly's son,
An set him on his knee;
Says, Gin ye live to wiald a bran,
My bowman ye sall bee.

The king he sent for robes of green,
An girdles o shinning gold;
He gart the ladies be arrayd
Most comely to behold.

They've done them unto Mary Kirk,
An there gat fair wedding,
An fan the news spread oer the lan,
For joy the bells did ring.

Then out it spake her Rose the Red,
An a hearty laugh laugh she:
I wonder what would our step-dame say,
Gin she this sight did see!

Child #103
From Buchan Book of Scottish Ballads
SOF
apr96






Keyboard Shortcuts:
space
Play & Pause
Info

About 'Red the Rose and White Lily'

Artist: Traditional Melody
The Artist:Traditional Music of unknown author.
Instrument: Treble Clef Instrument  (View more Intermediate Treble Clef Instrument Music)
Style: Traditional (View more Traditional Treble Clef Instrument Music)
Tags:
Copyright: Creative Commons Attribute 3.0  


Parts, Versions, Transpositions

 

Alternative Keys


(all shown in Concert Pitch)
No alternative transpositions yet

Sorry, transposition requests not available for this piece Why?
 
 

Parts

Sorry, parts requests not available for this piece Why?
 

Alternative Versions

Arrangements of this piece also available for:
No other versions currently available.

 Request New Version






Info

You might also like:

Ben Hall by Trad.
The Bonnie Black Hare by Trad.
The Bold Privateer by Trad.
Brother Noah by Trad.
Over the Water to Charlie by Trad.
BA_06 by Trad.



Traditional Music Items to buy



Greensleeves By English Folk Song. For easy guitar (TAB). Folk; Traditional. Easy Guitar with TAB. 2 pages. Published by Hal Leonard - Digital Sheet Music (HX.189547).

Folk Songs for Solo Singers - Vol. 1, Medium High (Book/CD) (11 Folk Songs Arranged for Solo Voice and Piano... For Recitals, Concerts and Contests). Edited by Jay Althouse. For medium high voice solo and piano accompaniment (High voice (Medium-High)). Vocal Collection. For Solo Singers. Folk and Play Along. Difficulty: medium. Songbook and accompaniment CD. Vocal melody, lyrics and piano accompaniment. 63 pages. Published by Alfred Music (AP.16632).

Folk Songs for Solo Singers - Vol. 1, Medium Low (Book) (11 Folk Songs Arranged for Solo Voice and Piano... For Recitals, Concerts and Contests). Edited by Jay Althouse. For medium low voice solo and piano accompaniment (Low voice (Medium-Low)). Vocal Collection. For Solo Singers. Folk. Difficulty: medium. Songbook. Vocal melody, lyrics and piano accompaniment. 63 pages. Published by Alfred Music (AP.4953).

12 Selected Folksong Arrangements (with a CD of performances and accompaniments Medium/Low Voice, Book/CD Pack). Composed by Benjamin Britten (1913-1976). Edited by Richard Walters. For Piano, Vocal, Medium/Low Voice. Boosey & Hawkes Voice. Play Along. Softcover with CD. 40 pages. Boosey & Hawkes #M051934065. Published by Boosey & Hawkes (HL.48019747).

Folk Songs for Solo Singers, Volume 1 (Medium Low Voice). Edited by Jay Althouse. For Voice (Low voice (Medium-Low)). Vocal Collection. For Solo Singers. Play along. Book & CD. 64 pages. Published by Alfred Music (AP.16634).

Complete Folksong Arrangements (61 Songs for High Voice). Composed by Benjamin Britten (1913-1976). Edited by Richard Walters. For Vocal. Boosey & Hawkes Voice. Collection. 264 pages. Boosey & Hawkes #M051933747. Published by Boosey & Hawkes (HL.48018781).




Close X

Thank you for trying the 8notes.com Audio & Transposition features

You have reached your limit for today.
Please subscribe for unlimited playback & transpositions
Individual Subscriptions:

Click here for more info on subscriptions


© 2000-2017 8notes.com