Binnorie

There lived twa sisters in yonder ha'
Binnorie, o an' Binnorie,
They hid bit ae lad atween them twa,
He's the bonnie miller lad o Binnorie.

It fell aince upon a day
That the auldest ane to the youngest did say
At the bonnie mull dams o Binnorie.


O sister O sister will ye gang to the brooms,
An hear the little blackbirdie changing its tunes
At the bonnie mull dams o Binnorie.


O sister O sister will ye gang to the dams
An see your father's fish boats safe on dry land
An see the mullart lad o Binnorie.


They hidna been half an hour at the brooms
Till they thrice heard the blackbirdie changing its tunes
At the bonnie mull dams O Binnorie.

They hidna been an hour at the dams
Till they saw their father's fish boats safe on dry land
But they sawna the bonnie mullart laddie.

The youngest ane she stood on a stane
The aulest ane dung the youngest in
To the bonnie mull dams o Binnorie.

She swam up an she swam down
Till she swam back tull her sister again
In the bonnie mull dams o Binnorie.

Sister O Sister will ye reach me yere glove
An I'II make you heir o my true love
The bonnie mullart lad O Rinorie.

It wisna for that, that I dang ye in,
It's because ye are fair an I am din*
An ye'll droon in the dams o Binnorie.

Oot cam the aul' mullart's daughter to the dams
For water tae wash her father's hands
Fae the bonnie mull dams o Binnorie.

O father O father go a-fishing your dams
For there's either a mermaid or a milk-white swan
In the bonnie mull dams o Binnorie.

They socht up an they socht down
But they got naething but a droon'd woman
In the bonnie mull dams O Binnorie.

Some o them kent her by her skin so fair
But weel kent the millart by her bonnie yellow hair
She's the millart's bonnie lass o Binnorie.

Some o them kent her by her goon o silk
But the millart laddie kent her by her middle so jimp
'Twas his ain bonnie lass o Binnorie.

Mony a ane was at her oot takin
An mony ane mair at her green grave makin
At the bonnie mull dams o Binnorie.

*din=dun, dark
From Grieg-Duncan Collection
Child #10
play.exe TWOSIS5.2
RG