Flowers of the Forest (Scottish trad.) (Traditional melody)


Flowers of the Forest (Scottish trad.) (Traditional melody)

Info

This piece is part of our collection of Irish pieces.



Versions of this piece available for:


Request New Version
(subscribers only)


About 'Flowers of the Forest (Scottish trad.)'

Artist: Traditional Melody
The Artist:Traditional Music of unknown author.
Composed:
Info:
Lyrics:

I've heard them liltin' at the ewe milking
Lassies are liltin' before dawn o' day
Now there's a moanin' on ilka green loanin'
The Flow'rs o' the Forest are a' wede awa'.

At baughts in the morning, nae blythe lads are scornin'
Lassies are lanely and dowie and wae;
Nae daffin', nae gabbin', but sighin' and sabbin'
Ilk ane lifts her leglin, and hies her awa'.

At e'en in the gloamin', nae swankies are roamin'
'Bout stacks wi' the lasses at bogle to play;
But ilk maid sits drearie, lamentin' her dearie,
The Flow'rs o' the Forest are a' wede awa'.

In har'st at the shearin', nae youths now are jeerin',
Bandsters are runkled, an' lyart, or grey;
At fair or at preachin', nae wooin', nae fleechin',
The Flow'rs o' the Forest are a' wede awa'.

Dool for the order sent our lads to the Border,
The English, for ance, by guile, won the day;
The Flow'rs o' the Forest that fought aye the foremost,
The prime o' our land lie cauld i' the clay.

We'll hae nae mair liltin' at the ewe-milkin',
Women an' bairns are heartless an' wae;
Sighin' an' moanin' on ilka green loanin',
The Flow'rs o' the Forest are a' wede awa'.


© 2000-2019 8notes.com